kötturinn sagði ekki ég,

svínið sagði ekki ég - afneitunarþjóðin man ekkert eftir að hafa skrifað uppá frjálshyggjuna aftur og aftur og aftur með því að kjósa Framsókn og Sjálfstæðisflokk. Það er bara því miður þannig að sú undirskrift gildir, þessir flokkar og þeir fjárglæframenn sem fóru fram í skjóli þeirra voru á okkar ábyrgð. Vonandi tekst að koma lögum yfir þá sem þau brutu og endurheimta eitthvað af ránsfengnum - en heldur nokkur maður að þeir, sem sátu við kjötkatlana á spillingartímanum muni hafa hag af því? Heldur einhver að það sé af umhyggju fyrir almenningi í landinu sem Framsóknarflokkurinn bregður Indefence fyrir sig?

Undirskriftir yfir 49.000

Athugasemdir

[Hjálmtýr V Heiðdal, 31.12.2009 kl. 18:29]

Sæl og gleðilegt ár.

Það er vert að benda á þá staðreynd að Sjálfstæðis og Framsókn héldu velli með einu þingsæti eftir kosningar - en þeir treystu sér ekki til að halda áfram með svo lítinn meirihluta og ríkisstjórn Samfylkingar og Sjálfstæðis tók við. Það var því ekki þjóðin sem stoppaði vitleysuna af.

[Sigurður Haraldsson, 31.12.2009 kl. 20:17]

Látum víkingana blæða!

[Guðrún Helgadóttir, 5.1.2010 kl. 17:28]

Já, heldurðu að hrunprinsarnir og hreyfingin muni sjá til þess að víkingarnir blæði? Hvað hefur verið að gerast hér á Íslandi meðan allir voru með augun á Icesave, var einhver að fylgjast með bönkunum á meðan?