Leita í fréttum mbl.is

þú ert ekki Jón Sigurðsson,

Bjarni Benediktsson. Það er til háborinnar skammar að þú skulir leyfa þér að klína þínum smjörklípum á minningu Jóns forseta. Þú komst rækilega upp um hinn eiginlega tilgang málþófs  þíns um ICESAVE málið með því að lýsa því yfir að það væri eina málið sem ætti að vera á dagskrá - þú vilt ekki ræða um uppgjörið, þú vilt ekki ræða um ábyrgðina og þú vilt ekki ræða hvað er að gerast í fyrirtækjunum - allra síst fjármálageiranum. Þú og þínir stuðningsmenn Óskar Nafnleyndar og NN viljið umfram allt ekki að fjölmiðlar og fólkið geri það sem er grundvallarregla í rannsókn spillingar og auðgunarbrota: Follow the money!

Ábyrgð, orsök og afleiðing

Það var ekki uppbyggilegt að hlusta á alþingismenn gera grein fyrir atkvæðum sínum um ICESAVE. Landsölumennirnir sem áratugum saman rúlluðu út rauða dreglinum fyrir fjölþjóðlega auðhringa og gáfu þeim - og sjálfum sér, íslenskar auðlindir storka nú skynsemi almennings með því að kalla afleiðingu gerða sinna orsök vandans!

Nú gala þeir hæst um efnahagslegt sjálfstæði þjóðarinnar sem aldrei gáfu því gaum meðan þeir voru við völd. Endar er það svo þegar að er gáð að í munni Sjálfstæðismanna, Framsóknar og því miður sumra Vinstri grænna er enginn greinarmunur gerður á efnahag þjóðarinnar og hagsmunum svokallaðra eigenda fjármagns og kvóta til lands og sjávar.

Nú gráta þeir sem áratugum saman sátu að kjötkötlunum krókódílatárum yfir þeim byrðum sem eigi að velta á ókomnar kynslóðir, kynslóðirnar sem þeir hafa alltaf verið tilbúnir að aðræna með ágangi á náttúru Íslands. Kynslóðirnar sem þeir tóku þjóðareignir af og færðu sér og sínum á silfurfati í nafni einkavæðingar.

Nú leggjast þeir svo lágt að höfða til lægstu hvata - þeir reyna að fá almenning niður á sama plan og þeir eru sjálfir á: Plan afneitunar, plan svikara og fjárglæframanna sem standa ekki við þær tryggingar sem þeir hafa sett, plan þeirra sem þykir sjálfsagt að græða á öðrum og óþarft að axla ábyrgð.

Látum ekki ljúga að okkur lengur, spyrjum að leikslokum og dæmum þá af verkum sínum.
mbl.is Meirihluti fyrir þjóðaratkvæði
Tilkynna um óviðeigandi tengingu við frétt

kötturinn sagði ekki ég,

svínið sagði ekki ég - afneitunarþjóðin man ekkert eftir að hafa skrifað uppá frjálshyggjuna aftur og aftur og aftur með því að kjósa Framsókn og Sjálfstæðisflokk. Það er bara því miður þannig að sú undirskrift gildir, þessir flokkar og þeir fjárglæframenn sem fóru fram í skjóli þeirra voru á okkar ábyrgð. Vonandi tekst að koma lögum yfir þá sem þau brutu og endurheimta eitthvað af ránsfengnum - en heldur nokkur maður að þeir, sem sátu við kjötkatlana á spillingartímanum muni hafa hag af því? Heldur einhver að það sé af umhyggju fyrir almenningi í landinu sem Framsóknarflokkurinn bregður Indefence fyrir sig?
mbl.is Undirskriftir yfir 49.000
Tilkynna um óviðeigandi tengingu við frétt

batnandi mönnum er best að lifa

- en hitt er annað að eftir að hlusta á málflutning þingmanna í gær er ég ekki trúuð á að margir þeirra beri gæfu til að hefja sig yfir flokkaþras. Þar eru nýir þingmenn engu skárri en þeir sem reyndari eru. Málþófið sem hefur tafið uppbyggingu íslensks efnahagslífs er þeim, sem það stunduðu til skammar.
mbl.is Stjórnmálamenn hvetja til samstöðu
Tilkynna um óviðeigandi tengingu við frétt

hverju breytir það?

ICESAVE gufar ekkert upp - við berum ábyrgð á okkar hlut innistæðutryggingarinnar hvað sem hver segir og það þarf að klára málið. Allt gap stjórnarandstöðunnar um allskyns úrræði til að borga ekki eru bara áframhald á andskotans óreiðunni sem þessir frjálshyggjufuglar kölluðu yfir okkur. Haldið þið að það sé til að gæta hagsmuna okkar sem enneinn og ungi litli mála skrattann á vegginn? Nei það er bara til að skapa pólitískan glundroða til þess að komast aftur að kjötkötlunum. Svo sorglega einfalt er það.
mbl.is Búnir að fá tölvupóstana
Tilkynna um óviðeigandi tengingu við frétt

en hvað með hinar skuldirnar?

ICESAVE er ekki stærsta skuldin sem við stöndum frammi fyrir, hvað með skuldir Seðlabankans - eigum við ekki bara að greiða atkvæði um þær líka? Þetta er ekki flókið þó Sjálfstæðismenn og Framsókn vilji allt til vinna að enginn skilji upp eða niður í málinu lengur: Við komumst ekki undan því að axla ábyrgð á ICESAVE - til þess eru innistæðutryggingar og ef menn standa ekki við þær tryggingar sem þeir hafa lagt fram eru þeir óreiðumenn. Erum við það sem þjóð?
mbl.is Önnur tillaga um þjóðaratkvæði
Tilkynna um óviðeigandi tengingu við frétt

haldiði að þetta snúist um okkur?

Nei. Einmitt þessa stundina er hrunadansarinn Tryggvi Herbertsson í ræðustól - búinn að snúast hring eftir hring eins og veðurhani eftir því hvort Sjálfstæðisflokkurinn er í stjórn eða utan. Fyrrum ráðgjafi Geirs H. Haarde, einn af postulum frjálshyggjunnar hérlendis - maður sem fyrir hrun starfaði við flókna fjármálagjörninga... Heldur einhver í alvöru að hann ætli að verja hagsmuni íslensks almennings? Heldur einhver í alvöru að þetta málþóf Sjálfstæðisflokks og Framsóknar snúist um eitthvað annað en að komast aftur til valda?
mbl.is Lokaumræða um Icesave
Tilkynna um óviðeigandi tengingu við frétt

hvað er að ykkur stjórnarandstaða?

Haldiði virkilega að þjóðinni sé  skemmt yfir þessu bulli? Hvað á þetta skrípó að þýða að trítla einn eftir annan í ræðustól til að spyrja hvenær ykkar eigin málþófi ljúki? Ég get alveg skilið að þið séuð búin að fá nóg af ykkur - hver er það ekki?
mbl.is Þingfundur þar til mælendaskrá er tæmd
Tilkynna um óviðeigandi tengingu við frétt

þangað leitar klárinn

sem hann er kvaldastur segir máltækið. Eru íslendingar virkilega svona andlega kúgaðir að í kreppunni hrökkvi þeir í þá skelfilegu varnarstöðu að kjósa íhaldið aftur - flokkinn sem réði ferðinni fram af hengifluginu? Flokkinn sem stendur núna í málþófi um leiðir til að sleppa við skuldbindingarnar sem hann bar hvað mesta ábyrgð á? Málþóf án alls tillits til hagsmuna atvinnulífs og samfélags? Hvar er sóknarhugurinn?! Hvar er heiðarleikinn og hið nýja Ísland?
mbl.is Litlar breytingar á fylgi flokka
Tilkynna um óviðeigandi tengingu við frétt

Næsta síða »

Höfundur

Guðrún Helgadóttir
Guðrún Helgadóttir

RSS-straumar

Háskólinn á Hólum

  • Augnablik... Augnablik - sæki gögn...

Innskráning

Ath. Vinsamlegast kveikið á Javascript til að hefja innskráningu.

Hafðu samband