jæja, axli nú ábyrgð hver sem betur getur;

nú vil ég sjá ábyrgt fréttafólk lúslesa þessi 40 atriði og koma með vandaðar fréttaskýringar um þau. Eru þau komin til framkvæmda, hvernig virka þau fyrir ungt skuldsett fólk, lífeyrisþega, sparifjáreigendur, fyrirtæki, auðjöfra etc. Eða er þetta allt eitt plat?

Ég vil fá að vita hvað er raunverulega að gerast sem hefur einhver áhrif á heimilin í landinu. Fjölmiðlar voru algerlega uppteknir af brennandi garðbekk í almannaeigu í gær. Nú vil ég að þeir verði uppteknir af því að rýna t.d. í reglugerðina sem á að taka gildi 1. febrúar um innheimtu skulda.

Ég vil semsagt að þeir axli ábyrgð sína sem varðhundar almannahagsmuna. Ég vil að Þórhallur og Kastljósliðið sem mætir aldrei upplýst og undirbúið í viðtöl og kann ekkert nema að þráspyrja sömu spurninganna víki. Ég vil sjá sérfræðinga, reynda og fróða fréttamenn að störfum. Ég vil fá erlenda blaðamenn í málið.

Margvíslegar aðgerðir stjórnvalda