hreyfa sig

er náttúrlega göfugt markmið - ekki síst að hreyfa sig útivið sérlega fyrir konur á mínum aldri. Það eru hæg heimatökin hér, þarf ekki annað en að fara á bakvið hús og ég er komin útí skóg og uppí fjall á engri stund. En það er svo skrýtið að tíminn sem ég þarf ekki að eyða í umferðinni til og frá vinnu hann virðist ekki nýtast sem tómstundir - ég er bara þess lengur í vinnunni! Þetta er náttúrlega ekki hægt, enda er kominn verulegur félagslegur þrýstingur á að bæta sig; vinnufélagarnir með sundklúbb og taka þátt í Lífshlaupinu og strákurinn minn með æfingaprógramm í gangi fyrir mig. Svo eru mættir tveir fulltrúar þrýstihópsins hrossin mín á svæðið, fór á bak Júní í fyrsta sinn síðan í fyrra í gærkvöld. Það lofar góðu í dag - strengirnir koma á morgun

Athugasemdir

[Ásthildur Cesil Þórðardóttir, 13.3.2008 kl. 13:29]

Þarf endilega að fara að taka mér tak.

[Jónína Rós Guðmundsdóttir, 14.3.2008 kl. 07:33]

Verum duglegar um páskana - ég ætla einmitt að reyna að komast á hestbak - er búin að vera dugleg að hreyfa mig inni - en er að verða leið á því.  Mitt ráð er að svona dagsdaglega er gott að byrja daginn á hreyfingu - finnst þér ekki skemmtileg svona ráð.....

[Sigríður Gunnarsdóttir, 14.3.2008 kl. 10:19]

Koma svo Guðrún!

[Guðrún Helgadóttir, 14.3.2008 kl. 18:56]

Takk fyrir hvatninguna elskurnar mínar - var að koma af hestbaki og lífið er harla gott í augnablikinu!