þarf ekki mótvægisaðgerðir

til að jafna hlut kynjanna í mótvægisaðgerðum? Ég er hrædd um að litli sæti sjóðurinn til eflingar atvinnumála kvenna dugi nú skammt í því efni, litlar 16 milljónir borið saman við mótvægisaðgerðasjóðinn sem er einhverjir 10 milljarðar ef ég man rétt. Sjóðurinn til atvinnumála kvenna er fínn sjóður og hefur komið að góðu gagni - en hámarksúthlutun úr honum að þessu sinni var 1,5 milljónir og það var eitt verkefni, flestir styrkirnir voru um 500.000...

Mótvægisaðgerðir gagnast frekar körlum

þorrablót Hóla- og Viðvíkurhreppa

var í Höfðaborg á laugardaginn og ég skemmti mér vel - enda fékk ég að troða upp, herma eftir nágrönnunum og fara með allskonar bull og vitleysu um hagi þeirra, háskólann og hundanna í sveitinni. Þorrablótsnefnd er nefnilega ekki bara ekkert mannlegt óviðkomandi, henni ber skylda til að fylgjast með högum húsdýranna líka. Enda getur það vel farið saman, hamingja manna og dýra.

Hér kemur hver fjölskylda og hennar gestir með sinn þorramat í trogi - stundum slæðist eitthvað óþjóðlegra með í trogið ef útlit er fyrir að gestirnir svelti öðrum kosti. Sést hafa kótelettur, kjúklingalæri og jafnvel flatbökur innan um súra punga, magála og svið!

Eftir borðhaldið og heimalagaða skemmtidagskrá eru tekin upp borðin af dansgólfinu og sett í hliðarsalina og svo er dansað fram á morgun. Höfðaborg er almennilegt félagsheimili með alvöru dansgólfi og það er vel nýtt á svona kvöldi. Eins gott að kvenfólkið er búið að vera að æfa boot camp og karlarnir vanir að glíma við naut og hver annan í bandý þannig að almennt úthald var með betra móti.

athyglisverð leið

til að taka á málum þar sem það á við. Ætli þetta sé ekki að sumu leyti farsælla, að það finnist frekar lausn og að bæði þolanda og geranda finnist að þeir geti lokið málinu?

Sáttamiðlun gefur góða raun

Háskólinn á Hólum

er þessa stundina nær óstarfhæfur vegna hátíðahalda - allir nemendur leikskólans Brúsabæjar eru mættir grímuklæddir og syngja frumsaminn brag gegn hæfilegu endurgjaldi og svo er von á nemendum Grunnskólans að Hólum í sömu erindagerðum. Nemendur mínir á fyrsta ári í Ferðamáladeild halda daginn líka hátíðlegan en ég verð að viðurkenna að var alveg búin að gleyma hvaða dagur er! Sem er auðvitað frekar hallærislegt því ég er að kenna námskeiðið Hátíðir og viðburðir í dag...

Furðuverur á faraldsfæti

er sennilegt

að allt hafi verið með felldu og ekkert saknæmt skeð ef stúlkan var í "nokkru uppnámi" og jafnvel grátandi?

Sýknaður af ákæru fyrir kynferðisbrot

heima er gott

kannski best - allavega á degi eins og þessum; djúpur, jafnfallinn snjór og logndrífa. Hólar á kafi svo trén svigna undan snjónum, krakkarnir öll með eplakinnar á fullu að renna sér svo hlátrasköllinn úr Lautinni heyrast um allan staðinn. Við Guðrún Þóra drifum okkur á gönguskíði, þóttumst þurfa að hreyfa okkur eftir frábæran miðdegisdögurð  hjá Hrönn (málvöndunarsinninn Björg Baldurs neitar að tala um brunch) en svo þótti okkur ástæða til að bæta upp hugsanlegan kaloríumissi með heitu súkkulaði og rjóma

hefði ekki verið rétt að spyrja fyrst

og skjóta svo? Hvað er að þessum manni - vonbrigði að þær vilji ekki vera með - hvernig stendur á að hann var ekki búinn að kanna það fyrirfram?

Mikil vonbrigði

Hólar

skörtuðu sínum fegursta vetrarbúningi í dag, sólin er að læðast niður Hólabyrðuna - komin í miðjar hlíðar og stutt í sólarkaffið. Það snjóaði vel í gær og frábært að komast á gönguskíði, stór hringur í skóginum á gömlu græjunum mínum - engin braut en það er í lagi mín vegna að það sé ekki búið að troða slóðina... Í kvöld var komið glaðatunglskin, stjörnubjart og norðurljósin skreyta himininn - verst hvað þau koma illa út á mynd. Sendi ykkur bara kertaljós í staðinn!

nauðsyn

að friða algerlega meðan ákvörðunar ráðherra er beðið. Það er grafalvarlegt mál hvað við sem þjóð höfum verið sinnulaus um okkar umhverfi hvort sem það er náttúrulegt eða manngert. Við erum á góðri leið með að gera Reykjavík að svona generic no-name borg, með húsum sem gætu verið hvar sem er í heiminum sbr. Iðuhúsið, Moggahöllina og Tryggingamiðstöðina í Aðalstræti, forljóta báknið á horni Hafnarstrætis og Lækjargötu sem menn hafa í alvöru talað um að rífa aftur og svo mætti lengi telja.

Skyndifriðun beitt á Laugavegi

meirihlutinn er á móti fyrirætlunum eigenda

eða 69,1%, þ.e. annarsvegar þau 27,6% sem vilja friðun og þau 41,5% sem vilja hús sem falla að núverandi götumynd. Það er semsagt hreinn meirihluti gegn því að gera neðanverðan Laugaveg að þröngri og skuggalegri götu, boru þar sem sólin skín ekki. Sem er ekkert skrýtið.

Ef fyrirhugaðir gestir hótelsins umrædda væru spurðir hvort þeir vildu eyða byggingasögulegum minjum frá 19. öld til að geta gist á reitnum er ég líka hrædd um að þeir yrðu tvístígandi. Það er sannarlega að míga í skóinn sinn að byggja hótel í miðbæ og rífa niður það sem gerir hann sögulegan og sérstæðan í leiðinni. Það kemur enginn gagngert til Reykjavíkur til að gista á hóteli, fólk kemur af því að það á erindi í borgina - meðal annars að njóta gamla borgarhlutans. Rétt eins og við kaupum kynningu ferðaskrifstofa á því hvað aðrar evrópskar borgir státi af fallegum og vel uppgerðum gömlum borgarhlutum - gjarnan miðborgunum og sækjum þær heim frekar en hinar sem misstu andlitið á sínum tíma.

Meirihlutinn vill ný hús við Laugaveg