að vera í samfélagi þjóða

er ekki bara spurning um efnahagslegan ávinning. Íslendingar eru aðilar að Sameinuðu þjóðunum og hafa „látið yfir sig ganga“ svo notað sé hræðsluorðfærið, alþjóðaskuldbindingar um mannréttindi, umhverfis og menningarmál sem etv. mætti segja að væri framsal á fullveldi. Sama má segja um aðild okkar að Norðurlandaráði, NATO, nú eru fulltrúar ÖSE mættir til að fylgjast með framkvæmd kosninga og svo mætti lengi telja. Íslenskur almenningur þarf að spyrja sig hvaða hagsmunum það þjónar að mála aðild að Evrópusambandinu sem skrattann á vegginn. Við eigum ekki að vera hrædd, Evrópusambandið er örugglega til viðræðu um að lána okkur tjakk!

Vaxtaávinningur af ESB-aðild: 228 milljarða lækkun

gott mál

og í fullu samræmi við málflutning Jóhönnu árum saman. Það skiptir miklu að öll hagsmunatengsl séu rekjanleg þannig að fólk geti fylgst með því hvort stjórnmálamenn eru að ganga erinda þeirra sem styrktu þá.

Vill endurskoðun á lögum

gleðilegt sumar

og takk fyrir veturinn! Ekki veit ég hvort fraus saman sumar og vetur - en fyrsta hnegg hrossagauksins hér heima var hátt í austrinu svo það var auðnugaukur. Ég treysti honum!

brellupólitíkin er svooo 2007

það er ótrúlegt að horfa uppá menn haga sér eins og ekkert hafi í skorist, eins og sé hægt að vaða fram með sömu ódýru lausnirnar: Hver er eiginlega munurinn á 90% lánagildrunni og 20% niðurfellingunni? Hvort tveggja skyndilausnir og skrum. Skipta um fólk á frontinum en halda áfram með sömu hugmyndirnar - hvaða endurnýjun er það eiginlega? Framsóknarflokkurinn er einfaldlega ekki trúverðugur þrátt fyrir krúttlega kindabæklinginn sinn, þar er úlfur í sauðargæru.

sömuleiðis

ég trúi því ekki að Vg séu svo heimóttarlegir að þeir þori ekki að taka af skarið og ganga til viðræðna. Ég veit að innan þeirra raða er náttúrlega óttalegt íhald á köflum, fólk sem er raunverulega hrætt við allar breytingar. En vonandi fær það fólk ekki umboð til að drepa íslenskt þjóðlíf í dróma haftastefnu og  forræðishyggju.

Trúi ekki að Samfylkingin láti stranda á ESB

traust og hagkvæmt skipulag

fyrir hvern? Landvinnslufólkið sem veit aldrei hvert er búið að selja kvótann og hvort verður vinna? Eða útgerðarmennina sem eiga allt sitt í evrum og þýska fiskveiðikvótann eins og hann leggur sig? Hræðsluáróður af þessu tagi hentar hagsmunum þeirra best.

Segja fyrningu aðför að 32 þúsund fjölskyldum

er óeðlilegt að segja eins og er?

Að óljósar hugmyndir sjálfstæðismanna um einhverjar evru dílingar um bakdyrnar séu ekki raunhæfar? Ég hefði haldið það skyldu þessa embættismanns að gefa hreinskilin svör um slíkt, sama þó það henti ekki einhverjum flokki hér heima. Það er enn allt við sama heygarðshornið, eini flokkurinn á Íslandi sem þorir í Evrópuviðræður og þorir að koma hreint til dyranna í því sambandi er Samfylkingin. Framsóknarmenn segja ýmist já eða nei, eftir því hver talar; formaður Sjálfstæðisflokksins lét kvótakóngana stinga uppí sig; og VG vill helst ekki horfast í augu við þetta verkefni.

ESB blandar sér í kosningabaráttu

lögum stöðuna í norðvestrinu

með því að koma þrem á þing frá Samfylkingunni þeim Gutta, Ólínu og Örnu Láru! Í Norðvesturkjördæmi er Samfylkingin eini flokkurinn með tvær konur í þrem efstu sætum og það er raunhæfur möguleiki að koma þeim báðum á þing - koma svo stelpur!

Færri konur á framboðslistum

við í sirkus

Geira smart, trúum því að hvítt sé svart! Sjálfstæðismenn haga sér eins og sannir trúðar, syngjandi og trallandi í sínu málþófi meðan þjóðin bíður eftir leiðum til lýðræðis og lausnum á brýnum vanda. Svo leyfa þeir sér að væla um að lítið gangi að leysa málin - meðan þeir sjálfir þvælast fyrir sem mest þeir mega!

Slegið á sáttahendur

vissi maðurinn þetta ekki?

Og er þó þingmaður og fyrrum ráðherra? Eða var þessi yfirlýsing um að óska eftir rannsókn bara orðin tóm? Vill hann ekki bara biðja um lögreglurannsókn?

Ríkisendurskoðun hefur ekki heimild