eigum við ekki að vera með svörin hvort eð er?

Hvaða bull er þetta? Auðvitað eigum við að vera með allar þessar upplýsingar á hreinu, ESB á ekki að geta dottið í hug spurning um okkur sem við vitum ekki svarið við. Það er reginmunur á íslenskri stjórnsýslu og t.d. Svartfjallalands að því leyti að við söfnum lykilupplýsingum s.s. um mannfjölda, vísitölur, atvinnuleysi etc. etc. jafnóðum og birtum árlega ef ekki oftar. Allar ríkisstofnanir eiga að skila ársskýrslum svo það er gífurlegt magn upplýsinga um íslenskt þjóðfélag fyrirliggjandi og því erum við vel í stakk búin að safna þeim saman. Margar Evrópuþjóðir styðjast enn við manntal sem gert er á nokkurra ára fresti til að fylgjasta með þróun mannfjölda. Hér er þetta uppfært árlega, bara svo dæmi sé tekið. Þó Jón Bjarnason evrópuandstæðingur tuði um að það verði svo mikil vinna í landbúnaðar og sjávarútvegsráðuneytunum að taka saman upplýsingar tek ég því með fyrirvara. Eða hafa samningar um niðurgreiðslu landbúnaðarvöru eða úthlutun aflaheimilda ekki verið teknar á grundvelli upplýsinga hingað til?

Búa sig undir spurningaflóðið frá ESB

Athugasemdir

[Hildur Helga Sigurðardóttir, 28.8.2009 kl. 13:10]

Þetta er væntanlega alveg hárrétt hjá þér Guðrún, enda til lítils að liggja yfir endalausri söfnun upplýsinga, séu þær ekki nýtanlegar þegar til á að taka.

Bendi svo ykkur hjónum á blogg mitt um Hólableikjur. Trúi að herra Helgi lumi á viðbótarupplýsingum þar, sem gaman væri að sjá.

Kær. kv.

[Þórður Ingi Bjarnason, 1.9.2009 kl. 17:24]

Ég ætla bara rétt að vona að Evrópusambandið hafni aðild Íslands.  Við höfum ekkert að gera inn í þetta samband.  Versta er að samfylkingafólk sér ekkert annað en ESB og á meðan gerist ekkert í þeim málum sem koma íslandi út úr þessum vanda.  Ísland þarf að búa sig vel undir spurningarflóð ESB og vonandi komast önnur ESB lönd að því að Ísland á ekkert heima þarna.  Það er ekki hægt að búast við því að ríkisstjórnin sjái þetta þar sem þeir horfa aðeins í eina átt.  Vonandi hafa önnur lönd vit fyrir okkru og hafna okkur.