hrunprins í glerhúsi og ungi litli

ættu að finna sér eitthvað uppbyggilegra til dundurs en grjótkast og heimsendaspár.  Það þarf að ná lendingu í ólgusjó á þjóðarskútu sem frjálshyggjuliðið stórskaðaði með því að opna fyrir botnlausa
græðgis og vinavæðingu sem báðir flokkar stunduðu. Þannig að það er ekki trúverðugt þegar Ungi litli hrópar himininn sé nú að hrynja. Formaður fjárlaganefndar, Guðbjartur Hannesson hefur sýnt aðdáunarverða þolinmæði og stillingu í að stýra vinnu nefndarinnar við að skoða kostina ofan í kjölinn - líklega kemur sér vel að hann hefur áralanga reynslu af því að stýra barnaskóla. Við höfum ekki efni á málþófi Framsóknar og Sjálfstæðisflokks, það þarf að höggva á hnútinn og ganga frá þessum fyrirvörum við samninginn. Fyrr reynir ekki á það hvort viðsemjendurnir viðurkenna þá.

Stórskaðar hagsmuni Íslands

Athugasemdir

[Loftur Altice Þorsteinsson, 17.8.2009 kl. 23:43]

Það er líklega forgangsverkefni hjá Sossunum, að ganga frá fyrirvörum (eftirvörum) við Icesave-samninginn !

[Hildur Helga Sigurðardóttir, 18.8.2009 kl. 01:26]

Það hefur ekki gengið á góðu meðan þeir sem mesta ábyrgð bera á Icesave ruglinu hafa reynt að koma í veg fyrir að aðrir gætu greitt úr því.

Nú hyllir þó undir lausn. Sem aldrei skyldi verið hafa, þar sem þjóðin bar enga ábyrgð á Icesave. Við vorum hins vegar ekki spurð og sitjum uppi með ábyrgðina

-Sem núverandi stjórnvöld eru að reyna að gera sitt skásta úr.

[Loftur Altice Þorsteinsson, 18.8.2009 kl. 13:32]

Hildur, það er ekki of seint að leiðrétta mistök varðandi Icesave-reikningana. Það verður raunar aldreigi of seint og þeir verða aldreigi greiddir, hvað sem líður undirskriftum og ábyrgðum.

Því miður eru núverandi stjórnvöld ekki að leysa neina hnúta, heldur að toga í enda sem leiða til ennþá meiri festu. Allt stafar þetta af þeirri heimskulegu löngun Sossanna, að ganga í Evrópusambandið.

Eins og þú segir réttilega, þá ber þjóðin enga ábyrgð á Icesave. Raunar er það svo, að Tilskipun 94/19/EB og yfirlýsingar Jean-Claude Trichet bankastjóra Seðlabanka Evrópu banna Íslandi að skipta sér af innistæðu-tryggingum.

Heimild 1: http://altice.blog.is/blog/altice/entry/923672/

Heimild 2: http://altice.blog.is/blog/altice/entry/908389/

Heimild 3: http://www.economist.com/world/europe/displayStory.cfm?story_id=14214986&mode=comment&intent=readBottom

Heimild 4: http://jonvalurjensson.blog.is/blog/jonvalurjensson/entry/932120/