lífshlaupið

átak lýðheilsustofnunar og fleiri aðila er eiginlega ferlega sniðug og lúmsk hugmynd til að fá fólk til að hreyfa sig. Um þetta leyti eru margir að guggna á nýársheitunum í ræktinni og heilsuátakinu og þá kemur tilboð um að taka sig saman á vinnustaðnum eða vera í einstaklingskeppni við sjálfan sig til að efla heilsuna. Vinnufélagar mínir Sólrún og Guðrún Stefáns komu upp liði á vinnustaðnum - en ég er steinhissa á að ekki skuli vera fleiri lið í Sveitarfélaginu Skagafirði því það er mjög almenn þátttaka í íþróttum og útivist hérna. Kannski er þetta bara orðinn svo fastur liður í lífsstílnum að fólk tekur ekki svona átaksverkefni til sín? Það er þá gott - en mér veitti ekkert af sparki í rassinn, þó hef ég góðan stuðning heima þar sem er íþróttaálfurinn sonur minn að veita aðhald og ráðgjöf svo sú gamla endist nú eitthvað fram á öldina...

Athugasemdir

[Ásthildur Cesil Þórðardóttir, 5.3.2008 kl. 17:17]

Já þetta er virkilega sniðugt, þó ég hafi ekki látið mig hafa það, en það fær mig allavega til að fara að hugsa um að hreyfa mig. svo þetta virkar.

[Árni Gunnarsson, 5.3.2008 kl. 19:11]

Áfram, áfram!

Ábæjarhlaup, Þverárfjallshlaup, Heljardalsheiðarganga, Skagaganga,

Ábæjarhlaup með rafting í bakaleiðinni væri upplagt á heimsvísu svona ámóta og Vasagangan í Svíþjóð.

Brjálæðislegar hugmyndir eru oft bestu hugmyndirnar!

Kveðja í Skagafjörðinn!