Opna stjórnsýslu og öfgalausa umræðu takk!

Nú er ekki tíminn fyrir hræðsluáróður, skyndilausnir og pólitísk yfirboð. Það er ömurlegt að horfa uppá stjórnmálamenn sem virðast ekki skilja að það gengur ekki lengur. Í vetur varð hugarfarsbreyting hjá íslensku þjóðinni. Fólk sá að keisarinn var ber og heimtaði uppgjör við ranga stefnu og siðlaus vinnubrögð. Það uppgjör er rétt að byrja og á þeim grunni verður uppbyggingin.

 

Nú er verið að stíga mikilvæg skref; í fyrsta sinn í sögu lýðveldisins getur almenningur t.d. fylgst með því hvað er á dagskrá í ríkisstjórninni. Hingað til hafa þetta verið hálfgerðar leynisamkomur en nú liggur dagskrá hvers ríkisstjórnarfundar fyrir á http://www.stjornarrad.is/rikisstjorn/

 

Við erum búin að vera með stefnu um rafræna stjórnsýslu og upplýsingalög í fleiri ár - en það þurfti hreina vinstristjórn í svo einfalda aðgerð að búa til vefsíðu fyrir almenning að fylgjast með ríkisstjórninni.