daprar stundir

í miðborg Reykjavíkur eru greinilega mun fleiri en þær, þegar húsin á horni Lækjargötu og Austurstrætis brunnu.  Vilhjálmur þáverandi borgarstjóri kallaði það dapra stund og hafði þetta að segja um viðbrögð og uppbyggingu: „Ég legg áherslu á það að það verði gengið hratt til leiks og þetta verði ekki látið drolla í einhver misseri eða ár. Þetta er hjarta bæjarins og þarna verðum við að ganga vel um.“

Ég er sammála þessu - en hvað dvelur orminn langa? Hversvegna er ástandið eins og Torfusamtökin lýsa í sinni ályktun? Ætlar borgarstjórn Reykjavíkur að sýna menningu okkar og umhverfi virðingu eða ætlar hún að halda áfram að virða meira hagsmuni stundargróðapunganna?

Athugasemdir

[Ásthildur Cesil Þórðardóttir, 27.3.2008 kl. 15:22]

Þetta er flott ályktun hjá Torfusamtökunum.  Það er langt síðan ég heyrði einmitt um svona aðferðir gróðapunga.  Vinur minn sem á hús á Njálsgötu sagði mér að svona aðferðum hefði verið beitt í kring um hann, til að koma fólki út, m.a. leigja fíklum og ofbeldisfólki.  Þetta er óþolandi alveg hreint.  Og þarf að koma þessum mönnum undir lás og slá.

[María Kristjánsdóttir, 27.3.2008 kl. 21:01]

Vilhjálmur er búinn að koma í sjónvarpið aftur. Hvað eru annars margir mánuðir frá því hann grét brunann á horninu - íklæddur hjálmi? Torfusamtökin og Miðbæjarsamtökin mega hafa sig öll við. Annars hafa sumir fjölmiðlar kannski að undirlagi þessara samtaka staðið sig þokkalega að lýsa ástandinu.

[Þórður Ingi Bjarnason, 28.3.2008 kl. 07:48]

Ástandið í Reykjavík er slæmt.  Ég keyrði um þessa ljótu borg Reykjavík í þessari viku og skoðaði meðal annars þessi hús sem er verið að tala um á Hverfisgötu og Bergastaðarstræti þetta er hörmung að sjá og Borgarstjórn verður að taka á þessum málum með festu og skikka eigendur þessara húsa að ganga vel frá þeim.  Besta lausnin er að endurgera þau í upprunalega mynd og það strax.