hóflegar vonir

eru alltaf líklegastar til að rætast. Engin ein atvinnugrein getur verið helsti vonarpeningurinn en að því sögðu er rétt að halda því til haga að ferðaþjónusta er vonarpeningur. Hún er þekkingariðnaður, hún byggir fyrst og fremst á færni og þekkingu fólksins sem í henni starfar og hún byggir á góðum og gömlum gildum gestrisni þar sem gagnkvæm virðing gesta og gestgjafa er grunnurinn. Hún er mjög fjölbreytt atvinnugrein, hún byggir mjög á starfi frumkvöðla og hún nýtir bæði menningu og náttúru sem auðlind. Því miður er umræða um atvinnulífið hér oft hrikalega einfölduð og atvinnugreinum er teflt hverri gegn annarri eins og ein útiloki jafnan aðra. Sannleikurinn er sá að við þurfum fjölbreytt atvinnulíf og ferðaþjónusta er sannarlega fjölbreytt atvinnugrein sem spannar allt frá gistiþjónustu, flugrekstri, flúðasiglingum, veitingarekstri, hátíðahöldum, hestaferðum, rekstri safna, tónleikahaldi, verslun og svo mætti lengi telja.

Miklar vonir bundnar við ferðaþjónustu