göngur og réttir

ég segi nú bara eins og skáldið forðum: Eins mig fýsir alltaf þó, aftur að fara í göngur... Það er á morgun sem bændur og búalið í Viðvíkursveit og Hólahrepp hinum forna smala. Ég er ekki bóndi og tæplega búalið, en fæ samt að smala. Það er ótrúlega skemmtilegt, jafnvel í fyrra þegar við riðum frameftir með húðaslagveðursrigningu í bakið og hún breyttist í slyddu þegar ofar dró... Mér varð hugsað til forfeðra okkar og formæðra. Úr því þau höfðu þetta oftast af - þá var mér engin vorkunn á stríðaldri meri, stríðalin sjálf og í skjólfötum sem þekktust ekki þá. Svo hitnar manni náttúrlega af smalaæðinu! Við Grána förum fram á Kolbeinsdal á eftir og  vonandi á Heljardal á morgun. Séð af Elliða yfir Kolbeinsdal í Heljardal á sumardegi.

Athugasemdir

[Þórður Ingi Bjarnason, 7.9.2007 kl. 16:20]

Vonandi verður þokalegt veður á morgun.  Ég ætla að fylgjast með þegar við laufskála.

[Ásthildur Cesil Þórðardóttir, 14.9.2007 kl. 12:17]

Þú mátt alveg segja okkur hvenig gekk allt saman, smá smalafréttir og jafnvel myndir. 

[Guðrún Helgadóttir, 14.9.2007 kl. 13:49]

Það var nú ekki hægt að taka mikið af myndum - ég var alltof upptekin að smala. Við þurfum að reka féð yfir Kolbeinsdalsána sem er jökulá (kemur af Tungnahrygg) og víða straumhörð. Það krefst eiginlega óskiptrar athygli og einbeitingar - ekkert pláss fyrir ljósmyndara!

[Ásthildur Cesil Þórðardóttir, 15.9.2007 kl. 17:46]

ókey mín kæra skil þig.   Þetta hefur nú samt verið ævintýri.