sól í Húnaþingi

Húnavatnið spegilslétt og þokuslæðurnar frá í nótt löngu horfnar, tími til kominn að leggja á Gránu!

Athugasemdir

[Árni Gunnarsson, 30.6.2007 kl. 12:01]

Góða ferð! Nú öfunda ég þig og langar að mega verða þér samferða á fallegum reiðleiðum í Húnaþingi. Þaðan fékk ég hross úr óræktuðu stóði sem reyndust mér svo vel að til þeirra má í dag rekja nokkur af þekktustu kynbótahrossum okkar í dag s.s. Kröflu frá Sauðárkróki og son hennar Keili frá Miðsitju. Krafla er að vísu fallin en lifir þó enn góðu lífi í sínum fjölmörgu afkomendum.

Ég veit að sú gráa mun þylja töltið af gleði hjá þér í góða veðrinu. 

[Guðrún Helgadóttir, 3.7.2007 kl. 14:54]

Já takk fyrir það, hún gerði það aldeilis svo glumdi glaðlega í bökkunum við Vatnsdalsána - ef ég væri skáldmælt eins og Páll Ólafsson léti ég það eitthvað heita. Hann átti líka Gránu sem var honum hugstæð en kannski heldur harðari í skapinu en mín:

Tauma slítur mér úr mund,

mélin bítur Grána.

Áfram þýtur létt í lund,

lemur hvíta hána

Innrím og allt hvað er!