Leita í fréttum mbl.is

Færsluflokkur: Bloggar

farðu á www.hagstofa.is

og skoðaðu tölur um fólksflutninga - þá sérðu að það sem er að gerast núna er að það er að jafna sig bóla innflutnings á mesta þenslutímanum:

 2005 voru aðfluttir umfram brottflutta 3860

 2006 voru aðfluttir umfram brottflutta 5255

 2007 voru aðfluttir umfram brottflutta 5132

 2008 voru aðfluttir umfram brottflutta 1144

 2009 voru aðfluttir umfram brottflutta -2694

Til samanburðar fluttu árið 1989 1086 af landinu, 1995 fluttu 1418 burt, 2004 fluttu 530 til landsins.

Þannig að flutningar til landsins síðustu fjögur ár eru mjög óvenjulegir. Auðvelt að skoða þetta á www.hagstofa.is og kannski bara áreiðanlegra en heimsendaspárnar úr ræðupúlti Alþingis.

 


mbl.is Ýtir undir landflótta
Tilkynna um óviðeigandi tengingu við frétt

ætli himininn sé kannski ekki að hrynja

yfir litla Ísland? Það hafa verið þvílíkir spunadoktorar og loddarar í hverju skúmaskoti stjórnmálanna, dragandi fram norskar krónur og svartsýna hagfræðinga einsog kanínur úr hatti sínum, hvert feiktrompið á fætur öðru úr erminni milli þess sem þeir hafa boðað algert hrun, eymd og örbirgð þannig að vinir og samstarfsmenn í þróunarlöndum hafa jafnvel boðið okkur aðstoð - sem er auðvitað bara vandræðalegt og sýnir íslenska veruleikafirringu. Hér er efnahagskreppa - ekki neyðarástand. Íslensk þjóð verður að ná nefinu uppúr naflakuskinu og sjá sjálfa sig í samhengi við söguna og samtímann, í samhengi við kjör mannkyns en ekki skuldastöðu íslendinga í núinu. Þjóðfundurinn var hressandi andsvar við þessum vælukór sem hefur verið að æra hvert mannsbarn hérna. Eins gott að Jóhanna heldur bara sínu striki og vonandi kemst þetta spillingarlið sem hér réði áratugum saman aldrei aftur til valda.

barnalán - misskilið hugtak

Er þetta ekki lýsandi fyrir ruglið sem þetta þjóðfélag var komið út í að halda að barnalán fælist í að taka lán í nafni barnanna sinna?
mbl.is Arður barnanna fór upp í lán
Tilkynna um óviðeigandi tengingu við frétt

blabala bla

hver nennir að hlusta á strákana í málfundafélaginu? Sömu stráka og voru á kafi í gróðærinu, hrunprinsana sem græða mest á að þyrla upp öllu því moldviðri sem þeir geta í von um að allir gleymi því í æsingnum hverjir það voru sem stóðu fyrir einkavinavæðingunni, spillingunni, eltu frjálshyggjukreddurnar með gróðaglýju í augunum: Framsóknarflokkurinn og Sjálfstæðisflokkurinn voru við völd. Gleymið því ekki.
mbl.is Stjórnvöld á undanhaldi
Tilkynna um óviðeigandi tengingu við frétt

en slóðin verður rakin

því treysti ég að verði raunin og ég þakka þessari ríkisstjórn fyrir að hafa stutt við rannsóknaraðilana af fremsta megni. Ég vil að almenningur þrýsti á stjórnmálamenn að sameinast um það að enginn niðurskurður bitni á rannsóknum á efnahagshruninu. Að velja sannleikann frekar en þægindin, er meiri bylting en þetta endalausa væl í þeim sem halda að 2007 hafi verið eðlilegt ástand.
mbl.is Flestir lykilmennirnir farnir frá Íslandi
Tilkynna um óviðeigandi tengingu við frétt

tími til kominn

að fá nýjan formann. Fráfarandi formaður BSRB er búinn að sitja síðan 1988 og á vef sambandsins er vísað á vef Alþingis um nánari upplýsingar um formanninn. Mér hefur alltaf þótt óeðlilegt að þingmenn gengdu veigamiklum störfum utan þings, það á að vera fullt starf að vera þingmaður. Og ekki síður er það óeðlilegt að formaður eins stærsta launþegasambandsins sé ekki í fullu starfi á þeim vettvangi. Þá fer þingmennska, að ég tala nú ekki um ráðherrastarf allsekki saman við forystu í stéttarfélagi. Enda lenti fráfarandi formaður í bullandi hagsmunaárekstri sem heilbrigðisráðherra í niðurskurði og jafnframt formaður Bandalags starfsmanna ríkis og bæja. Ég vildi gjarnan sjá konu úr framvarðasveit BSRB bjóða sig fram, það eru jú stórar kvennastéttir innan vébanda þess.
mbl.is Býður sig fram í formannsembætti BSRB
Tilkynna um óviðeigandi tengingu við frétt

þörf áminning

um hvar við stöndum á heimsvísu. Hér eru einhver 20% lánþega í hættu að missa húsnæðið sem þeir eru að reyna að kaupa, vegna efnahagsástands og í einhverjum tilvikum óraunsærra áætlana um eigin kaupgetu. Þeirra bíða hinsvegar ekki tjöld í flóttamannabúðum, jafnvel kynslóðum saman. Við þurfum að sýna þá ábyrgð gagnvart umheiminum að tapa ekki glórunni ýmist af mikilmennsku eða ímyndaðri eymd. Blankheit, efnahagserfiðleikar, tímabundið atvinnuleysi, hruninn fasteignamarkaður eru verkefni sem við munum ráða við; sjáið bara Vestfirðinga, ekki eru þeir útdauðir enn!
mbl.is Amnesty reisir hreysi í Smáralind
Tilkynna um óviðeigandi tengingu við frétt

damned if you don't

damned if you do - vilja Framsóknarmenn bara ekki fara að gera það upp við sig hvort þeir vildu eða vildu ekki að Jóhanna spyrði kollega sinn Stoltenberg um það hvort tillögur Lundteigen væru raunhæfar? Það kemur nú úr hörðustu átt af þeim drengjunum að halda því fram að svarið hafi verið pantað bara af því þeim líkar það ekki! Ætli útspil Lundteigen hafi verið pantað? Af hverjum?
mbl.is Birtir bréf Jóhönnu
Tilkynna um óviðeigandi tengingu við frétt

að axla ábyrgð

getur líka þýtt að sitja sem fastast. Mér líður svolítið eins og farþega í flugvél þarsem einn úr áhöfninni er kominn aftur í og lýsir því yfir að þar sem lendingarskilyrði séu svo slæm og hann hafi ekki fengið að ráða för geti hann bara ekki staðið í þessu. Hafi fólk boðið sig fram til ábyrgðarstarfa og verið falin þau, ber því að sinna þeim í meðbyr og mótbyr. Því ber að leita lausna en ekki bara að knýja sitt fram eða skella hurðum ella. Vonandi verður ábyrgðartilfinningin egóunum yfirsterkari í kvöld.
mbl.is Búist við löngum fundi
Tilkynna um óviðeigandi tengingu við frétt

rakalaust bull

þeir sem sáu fréttir á stöð 2 í fyrradag heyrðu væntanlega að maðurinn vék sér fimlega undan því að svara því hvort það yrði skilyrði fyrir láni að Icesave deilan væri leyst. Þetta er ábyrgðarlaust lýðskrum af Unga litla.
mbl.is Með umboð formanns Miðflokksins
Tilkynna um óviðeigandi tengingu við frétt

« Fyrri síða | Næsta síða »

Höfundur

Guðrún Helgadóttir
Guðrún Helgadóttir

RSS-straumar

Háskólinn á Hólum

  • Augnablik... Augnablik - sæki gögn...

Innskráning

Ath. Vinsamlegast kveikið á Javascript til að hefja innskráningu.

Hafðu samband